د تخنيکي او مسلکي زده کړو ادارې هغه استادان او کارکوونکي چې په لوړو زده کړو بوخت دي معاشونه یې ورکول کيږي

د تخنيکي او مسلکي زده کړو ادارې د هغو استادانو او کارکوونکو معاشونه چې د زده کړو د دوام لپاره بهر ته لېږل شوي، ډېر ژر به د یادې ادارې له پراختيايي بودجې څخه ورکړل شي.

 د نوموړو د معاشونو د ترسره کولو په موخه د افغانستان د اسلامي امارت ریاست الوزرا د فرمان له مخې 14 میلیونه 274 زره افغانۍ د تخنیکي او مسلکي زده کړو ادارې له عادي بودجې څخه انکشافي بودجې ته تعدیل شوې دي.

 د يادونې وړ ده، چې تخنيکي او مسلکي زده کړو ادارې 42 تنه استادان او کارکوونکي چې د ليسانس، ماسټرۍ او دوکتورا په دوره کې د خپلو زده کړو د دوام په موخه بهر ته استول شوي دي.