د بلخ ولایت د مجاهدینو او د نویو ګمارل شویو کارکوونکو د فراغت مراسم ترسره شول
په بلخ ولایت کې د ۴۰ تنو مجاهدینو او نویو ګمارل شویو کارکوونکو د فراغت مراسم د یاد ولایت تخنیکي آمریت له خوا ترسره شول.
دغه برنامه شاوخوا دوه مياشتې وړاندې د تخنيکي او مسلکي زده کړو ادارې سرپرست ښاغلي مولوي غلام حيدر شهامت له خوا پرانستل شو، چې پکې مجاهدينو او نويو ګمارل شويو کارکوونکو ته د کمپيوټر، انګليسي او مديريت په څانګو کې روزنه ورکړل شوه.
ښاغلي مولوي شهامت په بلخ ولایت کې د دغې برنامې د پرانیستلو پر مهال وویل چې د جهاد پر مهال یې یوه هیله د مجاهدینو لپاره د زده کړو زمینې برابرول وو.
د بلخ ولايت سيمه ييزو مسؤلينو د دغه کارکوونکو د فراغت په مراسمو کې د وينا پر مهال د تخنيکي او مسلکي زده کړو ادارې له برنامو ستاينه وکړه.
همدارنګه په دغه ښوونیزه برنامه کې ګډون والو کارکوونکو او مجاهدينو هم وويل چې د دا ډول برنامو ترسره کول د مجاهدينو د ظرفيت لوړولو لپاره ډېرې ګټورې دي.
په ورته وخت کې د بلخ ولايت د تخنيکي او مسلکي زده کړو مسؤلینو ژمنه وکړه چې په یاد ولايت کې به د مجاهدينو او نويو ګمارل شويو کارکوونکو ته روزنیزې برنامې به دوام ومومي.
د تخنيکي او مسلکي زده کړو اداره د مجاهدينو لپاره د روزنیزه طرحه هم تدوین کړې دی چې دا مهال په يو شمېر ولايتونو کې د ترسره کیدو په حال کې دی.
