په اتومیخانیکي اکاډمۍ کې د تخنیکي او مسلکي زده کړو مرکزونو د ښه والي لپاره د نمونې پلان پلي شو
د کابل په اتومیخانیکي اکاډمۍ کې د تخنیکي او مسلکي زده کړو د مرکزونو د ښه والي پلان د یوې نمونې په توګه پلي کیږي.
د پلان او ستراتیژیکي همغږۍ ریاست د تغییر مثبت مؤسسې په همکارۍ دا پلان په کابل کې په دوو انستیتیوتونو کې پلي کوي.
په یاده برنامه کې چې په دغه ښوونيز مرکز کې د پلان د عملي کولو په موخه په لاره اچول شوې وه؛ د تخنيکي او مسلکي زده کړو ادارې د پلان او ستراتيژيکي همغږۍ رياست د دغې ادارې د ستراتيژۍ او د تخنيکي او مسلکي زده کړو د مرکزونو د ښه والي پلان په اړه يو سمينار وړاندې کړ.
په دغه سمینار کې د تخنیکي او مسلکي زده کړو د مرکزونو د ښه والي پلان د چمتو کولو او پلي کولو په اړه خبرې وشوې.
تر دې وړاندې هم د تخنیکي زده کړو ۲۰ مرکزونو کارکوونکو په یوه پنځه ورځني سمینار کې د تخنیکي او مسلکي زده کړو د مرکزونو د ښه والي پلان د چمتووالي او پلي کولو په اړه زده کړې ترلاسه کړې.
د تخنيکي او مسلکي زده کړو ادارې د تخنيکي او مسلکي زده کړو د مرکزونو د ښه والي په موخه د "تخنيکي او مسلکي زده کړو د مرکزونو د ښه والي پلان" تدوین کوي.
دغه پلان د ادارې او حسابدارۍ په انستیتوت کې هم پلی شو.
