یوه خیریه بنسټ د نابینایانو مسلکي انسټيټوټ له زده کوونکو سره نغدي مرسته وکړه
د «اُمه اید» په نوم یوه خیریه بنسټ د یو لړ مراسمو په ترڅ کې د کابل ولایت د تخنیکي آمریت د مسوولینو په ګډون د روښاندلانو/ نابینایانو مسلکي انسټيټوټ زده کوونکو ته نغدي مرستې وویشلې.
د مسولینو په وینا، هر زده کوونکي ته ۴۵۰۰ افغانۍ وویشل شوې، چې له دې مرستو څخه ۱۵۰ تنه مستفید شوي دي.
د کابل ولایت تخنيکي آمر استاد رفيع الله حبيبي د «اُمه اید» بنسټ له مسوولينو سره د خبرو پر مهال له هغوی وغوښتل چې له مستحقو کسانو سره خپلو همکاريو ته دوام ورکړي.
دا په داسې حال کې ده، چې په ټول هېواد کې د تخنيکي او مسلکي زده کړو اداره د اورېدلو او ليدو معلوليت لرونکو کسانو ته په ځانګړي نصاب او ځانګړي ښوونیزو مرکزونو کې زده کړې ورکوي.
