په نورستان د تخنیکي او مسلکي زده کړو مرکزونو د آمرینو او استادانو لپاره د ظرفیت لوړولو سیمینار ترسره شو
په نورستان کې د تخنیکي او مسلکي زده کړو ادارې مسؤلینو خبر ورکوي چې د یاد ولایت د اداري اصلاحاتو ریاست په همکارۍ سره یې د ښوونیزو مرکزونو آمرینو او استادانو ته د ظرفیت لوړولو سیمینار ترسره کړ.
د نورستان د اداري اصلاحاتو ریاست ترینرانو د یاد د روزنیز سیمینار ګډونوالو ته د کاري پلانونو د چمتو کولو د څرنګوالي په اړه مفصل توضیحات وړاندې کړل.
د دې روزنیز سیمینار د ترسره کیدو موخه د نورستان ولایت د تخنیکي او مسلکي زده کړو مرکزونو د استادانو او اداري کارمندانو د ظرفیت لوړول دي.
په ورته وخت کې، ددې پروګرام ګډونوالو د هغوی لپاره د ظرفیت لوړولو پروګرام د ترسره کیدو څخه خوښي څرګنده کړه. نوموړو د یاد پروګرام د دوام غوښتنه هم څرګنده کړه.
