په تخار ولایت کې د تخنیکي او مسلکي زده کړو ادارې لخوا روزنیز حرفوي پروګرام پیل شو
په تخار ولایت کې د تخنیکي او مسلکي زده کړو ادارې مسؤلین وايي چې ددې ولایت اړوند په ورسج کثیرالرشتوي لیسه کې یې د خیاطۍ حرفې ښوونیز پروګرام پیل کړی.
د تخنیکي او مسلکي زده کړو ادارې د شمال ختیځ زون رئیس د یاد پروګرام په پرانیست غونډه کې وویل چې دغه روزنیز پروګرام د عملي مهارتونو د زدهکړې، د کاري فرصتونو رامینځته کولو او د کورنۍ او ټولنې په اقتصادي پرمختګ کې د ځوانانو د رول د پیاوړتیا په موخه پیل شوی.
حرفوي روزنیز پروګرامونه تخنیکي او مسلکي زده کړو ادارې له مهمو پروګرامونو څخه ګڼل کېږي چې تر اوس مهاله سلګونه مسلکي کسان له دې پروګرامونو څخه فارغ شوي او په بازار کې پر دندو بوخت دي.
