په بغلان کې د تخنیکي او مسلکي زده کړو له مرکزونو د ۱۵۰ تنه فارغانو د فراغت غونډه ترسره شوه
په بغلان ولایت کې د تخنیکي او مسلکي زده کړو د مرکزونو څخه د ۱۵۰ تنه فارغانو د فراغت مراسم ترسره شول.
دوی د ادارې او مدیریت، ادارې او تجارت، برښنا انجینرۍ، ساختماني انجینرۍ، کمپیوټر ساینس، عمومي کرنې او وترنري له څانګو څخه فارغ شوي دي.
د دغو زده کړیالانو د فراغت په مراسمو کې د تخنيکي او مسلکي زده کړو ادارې مالي او اداري چارو مرستيال مفتي فضل الرحمن فاضل هم حضور درلود او په خپلو خبرو کې يې د مسلک او حرفی زده کولو پر اهميت خبرې وکړې.
ښاغلي فاضل ځوانان وهڅول چې د تخنیکي او مسلکي زده کړو له مرکزونو سره یوځای شي.
غونډه فارغانو ته د تصدیق پاڼو په ورکولو او د خیر دعا په ویلو سره پای ته ورسیده.
