په اکبر مومند انسټیټیوټ کې د PABX سیستم په اړه روزنیز سمینار جوړ شو
اکبر مومند خصوصي انسټیټیوټ د خپلو محصلینو عملي مهارتونو لوړولو په موخه د «PABX» ټلیفوني سیستم په اړه روزنیز سمینار جوړ کړ.
دا پروګرام د اکبر مومند خصوصي انسټیټیوټ مسؤل محترم عبدالجبار لخوا وړاندې او تشریح شو. نوموړي د PABX سیستم اړوند موضوعاتو په اړه د یاد تعلیمي مرکز محصلینو ته لازم معلومات وړاندې کړل.
د «PABX» سیستم یوه خصوصي او اتومات ټلیفوني شبکه ده، چې په ادارو، شرکتونو، سازمانونو، تعلیمي مؤسسو او سوداګریزو بنسټونو کې کارول کېږي، څو د کارکوونکو، دفترونو او بېلابېلو څانګو ترمنځ داخلي اړیکې پرته له دې چې له بهرنیو ټلیفوني کرښو څخه کار واخیستل شي، تنظیم او مدیریت کړي.
محصلینو د دې عملي او ګټور پروګرام له جوړېدو خوښي او رضایت څرګند کړ او ټینګار یې وکړ، چې دا ډول عملي سمینارونه د دوی د تخصصي مهارتونو پیاوړتیا لپاره ډېر ارزښتناک او ګټور دي.
