مالي او اداري ادارې مرستیال د ننګرهار تخنيکي او مسلکي زده کړو مرکزونه بررسي کړل
د تخنيکي او مسلکي زده کړو ادارې مالي او اداري چارو مرستيال ښاغلي مفتي فضل الرحمن فاضل ننګرهار ولايت ته د خپل سفر په ترڅ کې په یاد ولايت کې يو شمېر تخنيکي او مسلکي زده کړو د مرکزونو وضعیت بررسي کړ.
نوموړي د تخنیکي او مسلکي زده کړو مرکزونو د تخنیکي ورکشاپونو، اجناسو، ډیپوګانو او اداري اسنادو څخه لیدنه وکړه او د ځینو مسایلو په اړه یې مسؤلینو ته لازمې لارښوونې وکړې.
په ورته وخت کې د تخنيکي او مسلکي زده کړو ادارې مالي او اداري چارو مرستيال هم د ننګرهار ولايت تخنيکي مرکزونو د ستونزو د هواري په هکله ډاډ ورکړ.
نوموړی دا مهال د تخنیکي او مسلکي زده کړو ادارې څخه ننګرهار ولایت د تخنیکي او مسلکي مرکزونو وضعیت د ارزونې په موخه د راغلي پلاوي مشري کوي.
