د کندهار د ژېړۍ له کثیرالرشتوي انسټیټوت څخه ۳۳ تنه فارغ شول
د کندهار د ژیړۍ ولسوالۍ د کثيرالرشتوي انسټیټوت د ۳۳ تنو فارغانو د فراغت مراسم د یاد ولايت د سيمه ييزو چارواکو په حضور کې ترسره شول.
دغه ۳۳ تنه د کثیرالرشتوي انسټیټوټ د ادارې او تجارت له څانګو فارغ شول.
د دغو زده کړیالانو د فراغت په مراسمو کې د کندهار د تخنيکي او مسلکي زده کړو آمر کريم الله حميم د یاد ولايت د تخنيکي او مسلکي زده کړو د مرکزونو د فعاليتونو په اړه خبرې وکړې.
ښاغلي حمیم وویل، د کندهار په مرکز او ولسوالیو کې د تخنیکي او مسلکي زده کړو ۱۸ مرکزونه فعال دي.
د کندهار د پوهني رئيس مولوي فخرالدين نقشبندي د ژیړۍ انسټیټوټ د زده کړیالانو د فراغت په مراسمو کي د ټکنالوژۍ او مسلک په ارزښت خبري وکړې او زياته يې کړه چي ټکنالوژي او مسلک د پيغمبرانو ميراث دي.
نوموړي له زده کړیالانو وغوښتل، چې اسلامي او شرعي اصولو ته غاړه کیږدي.
د مراسمو په پای کې فارغانو ته د تقدیق پاڼې ورکړل شول.
