د کابل د اتومیخانیکي اکاډمۍ ستونزې وڅېړل شوې
د تخنيکي او مسلکي چارو مرستيال مولوي غلام سعيد احساس د کابل اتو ميخانيکي اکاډمۍ ته د خپل سفر په ترڅ کې د دغه اکاډمۍ ستونزې وڅېړلې.
په لومړي سر کې ښاغلي احساس د اتومیخانیکي اکاډمۍ د اوبو څاه چې څو لسیزې وړاندې کیندل شوې وه لیدنه وکړه او د اوبو د کمښت د حل په موخه یې د فعالیدو امکانات و ارزول. د اتومیخانیکي اکاډمۍ آمر وویل، د دغه څاه د فعالولو لپاره د واټرپمپ او د ژوروالې زیاتوالې ته اړتیا لري.
د تخنيکي او مسلکي چارو مرستيال دغه راز د اتو ميخانيکي پخوانۍ ودانۍ څخه هم ليدنه وکړه او د دغه ودانۍ، ځمکې او له امکاناتو څخه يې په اغيزمنه استفادې ټينګار وکړ.
ښاغلي احساس د اتومیخانیکي اکاډمۍ له لیلیې څخه هم لیدنه وکړه او له زده کړیالانو سره یې خبرې وکړې او د هغوی ستونزې یې واورېدې.
تخنیکي او مسلکي چارو مرستیال اتومیخانیکي اکاډمۍ د ورکشاپونو وضعیت هم وڅېړه او د استادانو وړاندیزونه یې واورېدل.
نوموړي په پای کې د اتوميخانيکي اکاډمۍ کرنیزو فارمونو له باغونو څخه ليدنه وکړه او په يادو فارمونو کې يې د اوبو د کمښت ننګونې ته په بېړنۍ توګه پر رسيدنه ټينګار وکړ.
