د پلان ریاست د پرمختیایي پروژو د پلانونو په اړه د مالیې وزارت د پالیسۍ معاونیت سره غونډه وکړه
د تخنیکي او مسلکي زده کړو ادارې د پلان او ستراتیژیکي همغږۍ ریاست غونډه د مالیې وزارت د پالیسۍ معاونیت د عامه پانګونې او زیربناوو عمومي ریاست له فني کارکوونکو سره ترسره شوه.
په دغه غونډه کې د تخنیکي او مسلکي زده کړو ادارې د ۱۴۰۳ مالي کال د پروژو لپاره له مالیې وزارت څخه د پرمختیایي بودجې د غوښتنې په اړه بحث وشو.
د مالیې وزارت کارکوونکو وویل چې د افغانستان د اسلامي امارت د مشرتابه د پالیسۍ پربنسټ په مهمو او ګټورو پروژو تمرکز شوی دی.
هغوی دغه راز د تخنيکي او مسلکي زده کړو له ادارې څخه وغوښتل چې دغه ډول پروژو ته لومړيتوب ورکړي.
د تخنیکي او مسلکي زده کړو ادارې د پلان او ستراتیژیکي همغږۍ ریاست تخنیکي ټیم او د بودجې آمریت هم د دغې ادارې د پرمختیایي پروژو طرحې تشریح کړې او په پای کې پریکړه وشوه چې د ۱۴۰۳ مالي کال لپاره دغه پروژې کوم چې اقتصادي دي باید په ځانګړي فارمټ کې ځای پر ځای او راواستول شي.
