د پلان او استراتیژیکو همغږیو ریاست د ایران اسلامي آزاد پوهنتون سره ناسته ترسره کړه
د تخنیکي او مسلکي زده کړو ملي ادارې د پلان او ستراتیژیکو همغږیو ریاست مسوولینو د «ایران آزاد پوهنتون د افغانستان څانګې» له یوه پلاوي سره وکتل.
په دې کتنه کې په هرات ولايت کې د ګډ څيړنيز مرکز د جوړولو د څرنګوالي په ګډون په بيلابيلو مسائلو خبرې وشوې.
دواړو لورو خپل نظرونه سره شریک کړل او پریکړه وشوه چې دواړه بنسټونه به په هرات ولایت کې د یوه ګډ څیړنیز مرکز د جوړولو پر پروژې کار پیل کړي.
دا په داسې حال کې ده چې د تخنيکي او مسلکي زده کړو ملی ادارې رهبري هڅه کوي چې د تخنيکي او مسلکي زده کړو په مرکزونو کې د بېلابېلو موسسو او بنسټونو د جذب له لارې د زده کړو کيفيت لوړ کړي.
