د هسکې مینې کثیرالرشتوي انسټیټیوټ ساختماني څانګې زدهکوونکو عملي زدهکړه
د ننګرهار ولایت هسکې مینې ولسوالۍ د کثیرالرشتوي انسټیټیوټ ساختماني څانګې زدهکوونکو د ودانۍ د قالببندۍ او سیخبندۍ په اړه عملي زدهکړه ترلاسه کړه.
دا درسي جلسه په یوه کار لاندې ودانۍ کې ترسره شوه او د اړوندې څانګې استاد زدهکوونکو ته د ودانیزو چارو په تړاو اړین وضاحتونه وړاندې کړل.
د دې روزنیز پروګرام ګډونوال وایي، چې عملي درسونه د دوی د ښه زدهکړې لپاره ډېر ګټور دي.
د تخنیکي او مسلکي زدهکړو په مرکزونو کې د زدهکړو لویه برخه عملي ده؛ له همدې امله د تخنیکي او مسلکي زدهکړو ادارې د تعلیمي مرکزونو فارغان په مستقیم ډول د کار بازار ته جذبېږي.
