د ننگرهار ولایت د ځانګړو زده کړو مسلکي انسټيټيوټ زده کوونکو ته قرطاسیه توزيع شوه
د المواسات خیریه بنسټ له لوري د ننګرهار ولایت د ځانګړو زده کړو مسلکي انسټيټوټ زده کوونکو ته د قرطاسیې توکي ووېشل شول.
په دغو توکو کې کتابچې، بکسه، قلمونه او نور قرطاسیه باب شامل دي چې د اورېدلو معلولیت لرونکو زده کوونکو ته ووېشل شول.
اوس مهال د تخنیکي او مسلکي زده کړو اداره ۱۶ خصوصي ښوونیز مرکزونه لري چې د لید او اوریدلو معلولیت لرونکو کسانو ته مسلکي زده کړې ورکوي.
دا په داسې حال کې ده، چې تر دې وړاندې هم يو شمېر سوداګرو او خيريه بنسټونو د ځانګړو زده کړو مرکزونو کې خوراکي او ښوونیز تجهیزات وېشلي دي.
