د نباتي ناروغیو په اړه د میدان وردګو ولایت نرخ ولسوالۍ کثیرالرشتوي انسټیټوټ زده کوونکو د عملي زده کړو بهیر
د میدان وردګو ولایت د نرخ ولسوالۍ اړوند کثیرالرشتوي انسټیټوټ د کرنې څانګې، یوولسم ټولګي زده کوونکو ته د یاد ښوونیز مرکز د عملي زده کړو په چهار چوب کې د نباتي ناروغیو په اړه په عملي ډول روزنه ورکړل شوه.
لارښود استاد نوموړو ته د د فنګسي ناروغیو او د هغه د له منځه وړلو د څرنګوالي په اړه هر اړخیز معلومات هم وړاندې کړل.
د تخنیکي او مسلکي زده کړو په مرکزونو کې ډیری زده کړې عملي دي. تر څو د دغو مرکزونو فارغان په مستقیم ډول د کار بازار ته جذب شي.
له همدې امله د تخنيکي او مسلکي زده کړو ادارې رهبري تل د تخنيکي او مسلکي زده کړو په مرکزونو کې د عملي زده کړو پر پياوړتيا ټينګار کوي.
