د میدان وردگو تخنیکي او مسلکي زده کړو آمریت او سیدآباد سب استیشن آمریت ترمنځ د همکارۍ تفاهم لیک لاسلیک شو
د میدان وردګو ولایت د تخنیکي او مسلکي زده کړو آمریت او د سیدآباد ولسوالۍ اړوند برښنا سب استیشن آمریت ترمنځ د ګډو همکاریو تفاهم لیک لاسلیک کړ.
د یاد تفاهم لیک پر بنسټ به د میدان وردګو ولایت سیدآباد کثیرالرشتوي انسټيټوټ د برق انجنیرۍ محصلینو لپاره د دغه سب اسټیشن او برښنایي تاسیساتو کې د عملي زده کړو زمینه برابره شي.
دا په داسې حال کې ده چې د تخنيکي او مسلکي زده کړو ادارې رهبري تل د تخنيکي او مسلکي زده کړو په مرکزونو کې د عملي زده کړو پر پياوړتيا ټينګار کوي.
