د خوست میخانیکي انسټیټوټ کې د درې میاشتني لنډمهاله حرفوي پروګرام تدریسي بهیر دوام لري
د سولر سیسټم لنډمهاله حرفوي روزنیز پروګرام، چې څه موده وړاندې د خوست ولایت د تخنیکي او مسلکي زده کړو آمریت لخوا د یاد ولایت په میخانیکي انسټیټوټ کې په لاره اچول شوی وو، دوام لري.
د خوست د تخنیکي او مسلکي زده کړو آمریت د مسؤلینو په وینا، دا پروګرام د ځوانانو لپاره د کاري زمینې برابرولو او په ټولنه کې د بې وزلۍ د لمنځه وړلو په موخه پیل شوی دی.
د دې روزنیز پروګرام ګډونوالو د دغه پروګرام د ترسره کولو څخه قدرداني وکړه او له مسؤلینو څخه یې وغوښتل تر څو نوموړو ته د داسې نورو روزنیزو پروګرامونو د ترسره کولو او په لاره اچولو لړۍ ته دوام ورکړي.
