د جوزجان د تخنيکي انستيتوت زده کړیالانو خپل نوښتونه نندارې ته وړاندې کړل
د جوزجان تخنیکي انسټیټوټ زده کړیالانو په یو لړ مراسمو کې خپل مهارتونه او وړتیاوې نندارې ته وړاندې کړي.
دا پروګرام د "زده کړیالانو د ذهنونو او مسلکي مهارتونو ازموینې" تر سرلیک لاندې ترسره شو.
د جوزجان د تخنیکي انسټیټوټ امر سید سراج الدین غني په دغه پروګرام کې د تخنیکي او مسلکي مهارتونو ترلاسه کولو په موخه ځوانان وهڅول.
په دې پروګرام کې د برېښنایې دروازې او ترافیکي نښانو یو سیټ چې د جوزجان میخانیکي انسټیټوټ زده کړیالانو له نوښتونو څخه وو، نندارې ته وړاندې کړای شو او د پروګرام ګډونوالو ته یې جوړ کړای شویو تجهیزاتو په اړوند توضیحات ورکړل.
په وروستیو کې ممتازو زده کړیالانو ته ستاینلیکونه ورکړل شول او غونډه د دعایې په ویلو سره پای ته ورسیده.
