د تخنیکي او مسلکي زده کړو ملي ادارې د اکاډمیک بورډ غونډه ترسره شوه
د تخنيکي او مسلکي زده کړو ملي ادارې د اکاډمیک بورډ غونډه د یادې ادارې د تخنيکي او مسلکي چارو مرستيال محترم مولوي غلام سعيد احساس په مشرۍ ترسره شوه.
په دې غونډه کې د یادې ادارې يو شمېر رئيسانو او مشاورینو هم حضور درلود.
د غونډې په پيل کې د اکاډمیک بورډ د تېرې غونډې پرېکړې وڅېړل شوې او اړوندو څانګو د خپلو کړنو راپورونه وړاندې کړل.
همدا راز د غونډې په دوام کې د یادې غونډې غړو د مجاهدینو روزنیز پروګرام د سمسترونو او کلنۍ رخصتۍ په اړه بحث وکړ او په دې برخه کې یې خپل نظریات شریک کړل.
د اکاډمیک بورډ په نننۍ غونډه کې پر یو شمېر نورو اړوندو مسایلو هم خبرې وشوې او غونډه په دعایه پای ته ورسیده.
