د تخنیکي او مسلکي زده کړو ادرې د مشرتابه پلاوي غونډه ترسره شوه
د تخنيکي او مسلکي زده کړو ادارې د مشرتابه پلاوي اونيزه غونډه د یادې ادارې د سرپرست مولوي غلام حيدر شهامت په مشرۍد رئیسانو په حضور کې ترسره شوه.
په دې غونډه کې د مشرتابه پلاوي د تېرې غونډې پرېکړې تعقیب او د تطبیق د څرنګوالي په اړه راپور وړاندې شو.
دغه راز د اجنډا له مخې د کابل د یو شمېر انسټیټونو د زده کړیالانو د ستونزو د نه حل په اړه هم بحث وشو.
په دې اړه د څارنې او ارزونې رئیس مولوي محمد مکاشف خبرې وکړې او د ستونزو د حل په موخه یې وړاندیزونه وکړل.
همدارنګه ښاغلي مکاشف د کابل د کمپیوټر تکنالوژۍ د انسټیټوټ د زده کړیالانو لپاره د انلاین زده کړو د اغیزمنتوب په اړه هم خبرې وکړې او په دې برخه کې یې شته ستونزې شریکې کړې.
د غونډې په پای کې د څیړنې او تضمین کیفیت رئیس دلاور درمل په جنوب ختیځو ولایتونو کې د تخنیکي او مسلکي زده کړو د مرکزونو د ګډې کتنې پایلې وړاندې کړې او د یادو مرکزونو د وضعیت په اړه یې خبرې وکړې.
