د تخنیکي او مسلکي زده کړو ادارې مشرتابه پلاوي ناسته د " Stay in Afghanistan " موسسې له چارواکو سره وکتل

د تخنيکي او مسلکي زده کړو ادارې سرپرست مولوي غلام حيدر شهامت په المان کې مېشت د " Stay in Afghanistan " موسسې له چاوراکو سره وکتل.

په دغه کتنه کې په افغانستان کې د تخنیکي او مسلکي زده کړو د پراختیا او پیاوړتیا په اړه خبرې وشوې.

دغه نهاد د افغانستان د خلکو د ملاتړ په موخه په آلمان کې جوړه شوې ده.

د دغه نهاد چارواکو د تخنيکي او مسلکي زده کړو د ادارې له برنامو څخه د ملاتړ په ترڅ کې په افغانستان کې د پرمختللو وسايلو او تجهیزاتو په لرلو سره د مسلکي انسټیټوټ د جوړولو لپاره د زمينې برابرولو غوښتنه وکړه.

په دې کتنه کې د تخنيکي او مسلکي زده کړو ادارې سرپرست وويل چې افغانستان ته زياتې پيسې ښکته او پورته شوي دي خو په هيواد کې دبېوزلۍ او وزګارتيا ستونزه لا هم شتون لري .

ښاغلي شهامت زیاته کړه چې په هېواد کې د بېوزلۍ د له منځه وړلو لپاره د تخنیکي او مسلکي زده کړو ملاتړ او پیاوړتیا مهمه او حیاتي ده.

دواړو لورو هوکړه وکړه چې د دواړو نهادونو ترمنځ د دوه اړخیزو همکاریو او د انسټيټوټ د جوړولو په موخه به د یوه ګډه کاري کمیټه جوړه کړي.