د تخنیکي او مسلکي زده کړو ادارې د ریاستونو ترمنځ د همغږیو پیاوړتیا
د تخنيکي او مسلکي زده کړو ادارې اړوند د تخنيکي او مسلکي چارو معاونیت د مولوي غلام سعيد احساس په مشرۍ غونډه ترسره کړه.
د یادې غونډې د ترسره کولو موخه د تخنیکي او مسلکي زده کړو د ریاستونو د رئیسانو ترمنځ د همغږیو پیاوړتیا ویل شوې ده.
ښاغلي مولوي احساس په دې غونډه کې وويل چې د تخنيکي او مسلکي زده کړو ادارې د کارکوونکو او رييسانو ترمنځ همغږي په سمه او ښه توګه د چارو د پرمختګ په برخه کې ډېره اړینه ده.
همدا راز د تخنیکي معاونیت په نننۍ غونډه کې د تخنیکي چارو یو شمېر رئیسانو خپل نظریات او لیدلوري شریک کړل او په دې برخه کې مهم تصمیمونه ونیول شول.
