د تخنیکي او مسلکي زده کړو ادارې اکاډمیکو چارو مرستیال د کابل ښار تخنیکې مرکزونو له امرینو سره وکتل
د تخنیکي او مسلکي زده کړو ادارې د اکاډمیکو چارو مرستیال استاد نورمحمد عزیزي د کابل ښار انسټیټونو له امرینو سره وکتل.
د دې ناستې موخه د تخنیکي او مسلکي زده کړو ادارې روزنیزو مرکزونو ستونزو د عملي حل لارو پیدا کول و.
همدارنګه په دې غونډه کې د تخنیکې او مسلکې زده کړو ادارې د زده کوونکو او زده کړیالانو چارو رئیس سید عباس ایوبي، د تعلیمی او تحصیلی څارنې او ارزونې رئیس لعل پاچا فقیرزاده هم حضور درلود.
په دې کتنه کې د کابل ښار تخنیکي مرکزونو امرینو خپلې ستونزې او ننګونې د اکاډمیکو چارو له مرستیال سره شریکې کړې. دوی د اومو موادو کمښت، کمپیوټر، قرطاسیی، لابراتوار، اوبه، د استادانو کمښت او همدارنګه د استادانو حق الزحمی ورکول له ستونزو څخه یاد کړل.
د تخنیکې او مسلکې زده کړو ادارې اکاډمیکو چارو مرستیال استاد نورمحمد عزیزي د يادې ادارې د تخنيکي مرکزونو چارواکو ته ډاډ ورکړ، چې په دې برخه کې به ټولو ستونزو ته پاملرنه وکړي.
