د « حصه اول کوهستان » کرنې او وترنرۍ انسټیټوټ له لوري د فوټسال سیالیو بهاري تورنمنت پیل شو
د کاپیسا ولایت د تخنیکي او مسلکي زده کړو آمریت د زده کونکو ترمنځ د غوره ښوونیز چاپیریال رامینځته کولو او د ورزشي وړتیاوو د پیاوړتیا په موخه، د " د زده کوونکو څخه د ملاتړ" تر عنوان لاندې د فوټسال سیالیو بهاري تورنمنت پیل کړ.
په دې سیالیو کې، د یاد ښوونیز مرکز د کرنې او وترنرۍ څانګو اړوند د انستیتوت او لیسي دورو څخه یو شمیر لوبډلو برخه اخیستې.
د یادونې وړ ده چې دا پروګرام د کاپیسا ولایت د تخنیکي او مسلکي زده کړو آمریت سره په هماهنګۍ پیل شوی او د همدې میاشتې تر پایه به دوام وکړي.
دا په داسې حال کې ده چې د تخنیکي او مسلکي زده کړو ادارې رهبري تل هڅه کوي چې محصلینو ته غوره او مناسب ښوونیز چاپیریال رامینځته کړي، ترڅو د نوموړو د ودې او ظرفیت لوړولو په برخه کې غوره زمینه برابره شي.
دا سیالۍ د زده کوونکو د ټولنیز او فزیکي مهارتونو د لوړولو په برخه کې د تخنیکي او مسلکي زده کړو ادارې د هڅو یوه بیلګه ده.
