د «حصه اول کوهستان» کرنې او وترنرۍ مسلکي انسټيټوټ له خوا فراغت غونډه ترسره شوه
د کاپیسا ولایت «حصه اول کوهستان» کرنې او وترنرۍ مسلکي انسټيټوټ، د یاد ښوونیز مرکز څخه د یو شمیر زده کړیالانو د فراغت په مناسبت، «فراغت غونډه» جوړه کړه.
یاده غونډه د کاپیسا د تخنیکي او مسلکي زده کړو آمر ښاغلي مولوی نذیر آقا محمد، مسؤلینو، استادانو او د فارغ شويو زده کړیالانو د کورنیو غړو په شتون کې ترسره شوه.
په دې مراسمو ويناوالو، په اقتصادي وده کې د تخنيکي او مسلکي زده کړو پر رول د ټينګار ترڅنګ د تخنيکي او مسلکي زده کړو د مرکزونو له فارغانو وغوښتل چې د هېواد د پرمختګ لپاره لا زيات زیار او کوښښ وکړي.
دغه راز د مراسمو په پای کې فارغانو ته ستاینلیکونه ورکړل شول او غونډه په دعایې پای ته ورسیده.
