حصه اول بهسود تخنیکي او مسلکي زده کړو د مرکزونو وضعیت وڅیړل شو
د میدان وردګو ولایت تخنیکي او مسلکي زده کړو آمر مولوي حکمت الله حکمت د یاد ولایت په حصه اول بهسودو ولسوالۍ کې د تخنیکي او مسلکي زده کړو مرکزونو وضعیت وارزاوه.
نوموړي لومړی د بهسودو کثیرالرشتوي انسټیټوټ څخه لیدنه وکړه او د هغه له آمر او استادانو سره یې وکتل.
ورپسې د میدان وردګو ولایت تخنیکي او مسلکي زده کړو آمر د بهسودو په مرکز کې د کثیرالرشتوي پیتاب انسټیټوټ تدریسي او اداري چارې وارزولې او د استادانو ستونزې یې واورېدې.
نوموړي ډاډ ورکړ، چې ټولو ستونزو ته به یې رسیدنه وکړي.
