د لغمان ولایت د مرکز اړوند تخنیکي او مسلکي لیسې، زده کوونکو د عملي زده کړو بهیر
د لغمان ولايت مرکز اړوند تخنیکي او مسلکي ليسې د بریښنا څانګې، دولسم ټولګي زدهکوونکو د یاد ولایت برښنا ریاست ته د یوه علمي سفر په ترڅ کې د « برق » په اړه په عملي بڼه روزنه ترلاسه کړه.
لارښود استاد د درس په ترڅ کې زدهکوونکو ته د« برښنا تولیدي سرچینو او د برقي سب استیشنونو » په اړه په مفصله توګه توضیحات ورکړل او د نوموړو پوښتنو ته یې ځوابونه هم وویل.
د تخنيکي او مسلکي زده کړو په مرکزونو کې دېری زده کړې عملي دي، څرنګه چې د تخنيکي او مسلکي زده کړو د مرکزونو فارغان له فراغت وروسته په مستقيم ډول د کار بازار ته جزبېږي.
له همدې امله د تخنيکي او مسلکي زده کړو ادارې رهبري تل هڅه کوي چې د تخنيکي او مسلکي زده کړو په مرکزونو کې د عملي زده کړو لړۍ لا پياوړې کړي.
