د "حسان" ادبي بهیر غونډه د ترنم او فرهنګ رياست له خوا ترسره شوه
د تخنیکي او مسلکي زده کړو ادارې اړوند د ترنم او فرهنګ ریاست لخوا د فرهنګي- ادبي پروګرامونو په دوام د "حسن" ادبي بهیر غونډه تر سره شوه.
په دې غونډه کې يو شمېر ليکوالانو او شاعرانو ګډون درلود او نوموړو پر بېلابېلو ادبي مسايلو بحث او د نظریاتو تبادله وکړه.
د یاد ادبي پروګرام په پيل کې ښاغلي قاري عبدالستار سعيد د ليکوالۍ د هنر په اړه معلومات وړاندې کړل او د یاد ادبي بهیر نورو ګډونوالو هم په دې ادبي غونډه کې خپلې خبرې او نظرونه د ادب به برخه له ګډونکوونکو سره شريک کړل.
د دې ادبي غونډې په دوام کې شاعرانو او ترنم ویونکوو د خپلو شعرونو او ترنمونو په اورولو سره یې د ګډونوالو ادبي تنده خړوبه کړه او غونډه په دعایې سره پای ته ورسیده.
