فراه ولایت اړوند لاشجوین کثیرالرشتوي لیسې زده کوونکو د عملي زده کړې بهیر
د فراه ولایت د لاشجوین ولسوالۍ اړوند کثیرالرشتوي لېسې د کرنې څانګې د یوولسم ټولګي زده کوونکو ته د "نباتي ناروغیو" په اړه په عملي ډول روزنه ورکړل شوه.
لارښود استاد نوموړو ته د "نباتاتو د ناروغیو او د هغوی د مخنیوي" په اړه مفصل معلومات ورکړل او د هغوی پوښتنو ته یې ځوابونه وویل.
د تخنیکي او مسلکي زده کړو په مرکزونو کې زیاتره زده کړې عملي دي، څرنګه چې د تخنیکي او مسلکي زده کړو د مرکزونو فارغان له فراغت وروسته په مستقیم ډول د کار بازار ته جذبېږي.
د تخنيکي او مسلکي زده کړو ادارې رهبري لا هم هڅه کوي، چې د تخنيکي او مسلکي زده کړو په مرکزونو کې د عملي زده کړو بهير لا پياوړی کړي.
