د پروګرامونو د څیړنې او تضمین کیفیت ریاست د آسیا معدنیتونو سازمان له مشر سره ناسته ترسره کړه
د تخنيکي او مسلکي زده کړو ملي ادارې د پروګرامونو د څيړنې او تضمين کیفیت رئيس مفتي سيد محسن سادات د اسيا معدنیتونو د سازمان له مسوولينو سره وکتل.
په دې کتنه کې د نویو څانګو د جوړولو، د حرفوو د روزلو او د تخنیکي او مسلکي زده کړو مرکزونو د فارغانو د ګمارنې په ګډون پر بېلابېلو موضوعاتو خبرې وشوې.
په یادې کتنه کې دواړو لورو خپل نظریات شریک کړل او پرېکړه وشوه چې د تخنیکي او مسلکي زده کړو مرکزونو د فارغانو د استخدام او جذب او د تحصیلي نصاب د پراختیا په برخه کې دې ګډ کار وشي.
د پروګرامونو د څیړنې او تضمین کیفیت ریاست هڅه کوي چې د تخنیکي او مسلکي زده کړو ادارې څانګې او نصابونه د داخلي او بهرنیو بنسټونو سره د غونډو او ناستو له لارې د بازار د اړتیاو پر بنسټ جوړ کړي.
