د تخنیکي او مسلکي زده کړو د مرکزونو د نوښتونو او ابتکاراتو نندارتون په لاره اچول کېږي
په پام کې ده چې د ۱۴۰۲ تعلیمي کال په پای کې به د مرکز او ولایتونو د تخنیکي او مسلکي زده کړو د مرکزونو د زده کړیالانو او ښوونکو د نوښتونو او ابتکاراتو نندارتون په کابل کې ترسره شي.
د دغه نندارتون د تدویر په موخه د تخنیکي او مسلکي زده کړو ادارې له مسوولینو څخه یوه کمېټه جوړه شوې ده.
د دغې کميټې لومړۍ غونډه نن جوړه شوه او په دغه غونډه کې د یاد نندارتون د ترسره کولو په تدابیرو خبرې وشوې.
د يادونې وړ ده، چې د تخنيکي او مسلکي زده کړو د مرکزونو د نوښتونو او ابتکاراتو د نندارتون له جوړېدو څخه موخه د تکړه او نوښتګرو زده کوونکو پېژندنه او معرفي کول دي.
