د تخنیکي او مسلکي زده کړو ادارې د اکادمیک بورد غونډه جوړه شوه
د تخنيکي او مسلکي زده کړو د اکادمیکو چارو د انسجام بورد غونډه د یادې ادارې د تخنيکي او مسلکي چارو مرستيال ښاغلي مولوي غلام سعيد احساس په مشرۍ جوړه شوه.
د دې غونډې په پيل کې د اکادمیک بورد د تېرې غونډې پرېکړې وڅېړل شوې او اړوندو څانګو د خپلو کړنو راپورونه وړاندې کړل.
دغه راز په دې غونډه کې دتخنيکي او مسلکي زده کړو دښوونيزو مرکزونو د شپې (شبانه) زده کړو په باب هم خبرې وشوې .
له بلې خوا د اکادمیک بورډ په نننۍ غونډه کې د محصلینو ل د بدل اعاشې د وېش په اړه بحث وشو او ګډون کوونکو په دې اړه خپل نظرونه شریک کړل.
د اکادمیک بورډ په غونډه کې پر یو شمېر اړوندو نورو تخنیکي او مسلکي مسایلو هم خبرې وشوې او غونډه د دعایې په ویلو سره پای ته ورسېده.
