د تخنیکي او مسلکي زدهکړو ادارې د اکاډمیک بورډ ناسته ترسره شوه
د تخنیکي او مسلکي زدهکړو ادارې د اکاډمیک بورډ ناسته د دې ادارې د بېلابېلو څانګو د یو شمېر رئیسانو په ګډون د تخنیکي چارو په معاونیت کې ترسره شوه.
د پروګرام په پیل کې د تېرې ناستې پرېکړې مطرح شوې او اړوندو څانګو د خپلو اجرااتو په اړه راپورونه وړاندې کړل.
وروسته د ځانګړو زدهکړو تعلیمي مرکزونو اجرائیوي طریقې او د تعلیمي نظارت او ارزونې لارښود تر بحث لاندې ونیول شول او ګډونوالو په دې اړه خپل نظرونه شریک کړل.
په دې ناسته کې نور اړوند موضوعات هم مطرح شول او غونډه د خیر په دعا سره پای ته ورسېده.
