د بلخ د ادارې او حسابدارۍ انسټیټوټ د زده کړیالانو عملي زده کړو دوره په بریالیتوب سره پای ته ورسیده
د بلخ د ادارې او حسابدارۍ انسټیټوټ د دوهم سمستر د څوارلسم ټولګي زده کړیالانو عملي زده کړو دوره په بریالیتوب سره پای ته ورسوله.
دوی د یو میاشتني عملي زده کړو په موخه ریاستونو، دولتي او خصوصي بانکونو او خصوصي شرکتونو ته معرفی شوي وو.
د بلخ ولایت تخنیکي او مسلکي زده کړو آمریت د یادو مؤسسو له همکارۍ مننه کوي.
یاد آمریت د تخنیکي او مسلکي زده کړو د مرکزونو د زده کړیالانو لپاره د عملي زده کړو د برابرولو په موخه له دولتي او خصوصي ادارو سره د همکارۍ یو هوکړه لیک لاسلیک کړی دی.
د تخنیکي او مسلکي زده کړو په مرکزونو کې تر 60% سلنې زیاتې زده کړې عملي دي. تر څو د دغو مرکزونو فارغان له فراغت وروسته په مستقیم ډول د کار بازار ته جذب شي.
د مسلکي او ماهر کاري ځواک روزنه د تخنیکي او مسلکي زده کړو ادارې یو له اصلي موخو څخه دی.
