د اکاډمیکو چارو مرستیال د کابل د موسهي او چهاراسیاب ولسوالیو له تخنیکي او مسلکي مرکزونو څخه لیدنه وکړه
د تخنیکي او مسلکي زده کړو ادارې اکاډمیکو چارو مرستیال استاد نورمحمد عزیزي په کابل کې د موسهي ولسوالۍ مسلکي لېسې او د چهاراسیاب ولسوالۍ د کثیرالرشتوي انسټیټوټ څخه لیدنه وکړه.
ښاغلي عزیزي د دې لیدنې پر مهال د دغو مرکزونو وضعیت وارزاوه او د هغوی ستونزې یې وڅېړلې.
د تخنيکي او مسلکي زده کړو ادارې اکاډمیکو چارو مرستيال په انسټیټونو کې د تدريس پر ښه کيفيت د ټينګار تر څنګ وويل، چې دغه اداره د زده کړیالانو عملي کارونو ته جدي پاملرنه کوي.
استاد عزيزي زياته کړه، چې د تخنيکي او مسلکي زده کړو په مرکزونو کې د استادانو د کمښت د حل په موخه به ډېر ژر په يادو مرکزونو کې خالي بستونه ډک شي.
د اکاډمیکو چارو مرستیال ژمنه وکړه چې د موسهي او چهاراسیاب ولسوالیو تخنیکي او مسلکي مرکزونو نورې ستونزې به هم حل کړي.
