د پلان جوړونې ملی انسټیټوټ لخوا د پلان جوړونې په برخه کې د دولتي کارکوونکو د ظرفیت لوړولو طرحې وړاندې کول
د تخنیکې او مسلکې زده کړو ادارې پلان جوړونې ملي انسټیټوټ د پلان جوړونې په برخه کې د دولتي کارکوونکو د ظرفیتونو د لوړولو طرحه دغه ادارې مشرتابه ته وړاندې کړه.
د پلان جوړونې ملی انسټیټوټ استادانو خالد احمدي او لطف الله سلطاني د طرحې وړاندې کولو په ترڅ کې د انسټیټوټ د روزنیزو پروګرامونو په اړه مفصل راپور وړاندې کړ.
د دوی په وینا، کلنیو، منځ مهاله او ستراتیژیکو پلانونو د چمتو کولو په برخه کې د مسلکي مهارتونو روزل د ملي پلان جوړونې انسټیټوټ له مهمو موخو څخه دي.
د ملي پلان جوړونې انسټیټوټ استادانو وویل چې د دې انسټیټوټ روزنیزې برنامې حضوری او غیر حضوری دی، کوم چې د لنډ مهاله دورو کې تنظیم شوی دی.
دوی د ملي انسټيټوټ ظرفیت لوړونې پروګرامونو ته د دولتي کارکوونکو د جذبولو په برخه کې د تخنیکي او مسلکي زده کړو ادارې د مشرتابه همکاري اړینه وبلله او د نویو دیپارټمنټونو د جوړولو وړاندیز یې وکړ.
د تخنيکي او مسلکي زده کړو ادارې مشر مولوی غلام حيدر شهامت د پلان جوړونې ملی انسټیټوټ طرحه واوريده. او د انسټيټوټ د ظرفيت لوړولو د لا ښه پرمختګ په موخه يې لازمې لارښوونې وکړی.
د پلان جوړونې ملی انسټیټوټ امر محمد نادر انوري وويل، دغه انسټيټوټ مسلکي استادان او ښې اسانتياوې لري. ښاغلي انوري دغه راز زیاته کړه، که زده کړیالانو د جذب ظرفیت لوړ شي، نو انسټیټوټ قبه د استادانو له کمښت سره مخ شي.
