غزنی ولایت د اداری او حسابداری انسټیټیوټ جوړول؛ په هیواد کې د تخنیکي او مسلکي زده کړو ادارې پراختیایی پلانونو پلي کولو په لور بل ګام!
د تخنیکي او مسلکي زده کړو ادارې د ستراتیژۍ یوه مهمه موخه په تخنیکي او مسلکي زده کړو کې زمونږ ګرانو هیوادوالو د ګډون کچې لوړول دي، د همدې لپاره د هیواد په ټولو ولایتونو کې د زده کړې مرکزونو رامینځته کول د دې ادارې له لومړیتوبونو څخه دي چې په تخنیکي او مسلکي زده کړو کې د ګران هیوادوالو د لا ډیرې برخې اخیستنې زمینه برابروي.
له نیکمرغه، د تخنیکي او مسلکي زده کړو اداره وتوانیده چې د دې پرمختیایی پلانونو پلي کولو لپاره اغیزمن ګامونه پورته کړي. د غزنی د اداری او حسابداری انسټیټیوټ ودانول چی څوارلس صنفونه لری ددې ادارې یوه پروژه وه چی بشپړه شوی او ډیر ژر به ګټې اخیستنې ته وسپارل شی.
دا پروژه، چې د (ریان سعادت او تل ودان) ساختماني شرکتونو په ګډه (19240200.5) افغانیو په ارزښت د انکشافي بودیجې څخه قرارداد کړی وه، 16میاشتو کې یې کارونه بشپړې شول.
