د لغمان ولایت اړوند مرکز کثیرالرشتوي انسټيټوټ د محصلینو د عملي زده کړو بهیر
د لغمان ولایت اړوند مرکز کثیرالرشتوي انسټيټوټ د برښنا څانګې محصلینو ته د برق په اړه په عملي بڼه روزنه ورکړل شوه.
لارښود استاد د درس په ترڅ کې محصلینو ته د برق، او د برښنا د سیم پیجۍ په اړه په مفصله توګه توضیحات وړاندې کړل او د نوموړو پوښتنو ته یې ځوابونه وویل.
عملي زده کړې له محصلینو سره مرسته کوي تر څو محصلین له فراغت وروسته د کار بازار ته جذب شي.
له همدې امله د تخنيکي او مسلکي زده کړو ادارې رهبري تل هڅه کوي چې د تخنيکي او مسلکي زده کړو په مرکزونو کې د عملي زده کړو لړۍ لا پياوړې کړي.
