(ستی ان) موسسې سره د تخنیکي او مسلکي زده کړو ادارې سرپرست غونډه ترسره شوه
د تخنيکي او مسلکي زده کړو ادارې سرپرست الحاج مولوي غلام حيدر شهامت د (ستی ان) موسسې له مسوولينو سره د يوې مجازي ناستې په ترڅ کې وکتل.
د یادې غونډې محور له آلمان هیواد څخه افغانستان ته د تعلیمي څانګو د انتقال د چټکتیا پر څرنګوالي ویل شوی.
په دې کتنه کې د (ستی ان) موسسې مسوولینو هېواد ته د تعلیمي څانګو د انتقالولو په برخه کې د خپلو کارونو د پرمختګ په اړه توضیحات وړاندې کړل.
له بلې خوا الحاج مولوي غلام حیدر شهامت ټینګار وکړ چې تعلیمي څانګې باید د افغانستان د اړتیاوو پر بنسټ دې هیواد ته انتقال شي.
همداراز دواړو خواوو افغانستان ته د تعلیمي څانګو د انتقالولو بهیر پر چټکتیا ټینګار وکړ.
په دې ناسته کې پر یو شمېر نورو اړوندو موضوعاتو هم په مفصله توګه خبرې وشوې او پرېکړه وشوه چې دواړه بنسټونه به د همکاریو د تفاهم لیک پر بنسټ خپل مسوولیتونه ترسره کړي.
دا په داسې حال کې ده، چې شاوخوا يو کال وړاندې د تخنيکي او مسلکي زده کړو ملي ادارې له آلمان څخه افغانستان ته د تعلیمي څانګو د انتقال په موخه له (ستی ان افغانستان) موسسې سره د همکارۍ تفاهم ليک لاسليک کړ.
