د تخنیکي او مسلکي زده کړو اداره د نابینایانو لپاره ښوونیز نصاب جوړوي
د تخنیکي او مسلکي زده کړو ادارې، د نصاب او ښوونکي روزنې ریاست، نابینایانو ته د ښوونیز نصاب چمتو کولو د چارو د بهیر له پیل څخه خبر ورکوي.
ښاغلی انجینر احمد نبي نایل وایي چې ناشنوایانو ته ښوونیز نصاب چمتو شوی او په اوس حال کې نابینایانو ته د نصاب چمتو کولو چارې پیل شوې دي.
نوموړي زیاته کړه چې دغه کتابونه له لسم ټولګي څخه تر دولسم ټولګي پورې د مسئولینو او متخصصینو له لوري چمتو او چاپیږي.
د نصاب او ښوونکي روزنې رئیس زیاته کړه چې نابینایانو ته د ښوونیز نصاب په چمتو کولو کې د نابینایانو ښوونیز نصاب د متخصصینو ترڅنګ د کابل پوهنتون استاذان او همدارنګه د روشندلان مسلکي انسټیټونو استاذان شتون لري او په ګډه سره د نابینایانو لپاره د ښوونیز نصاب په چمتو کولو بوخت دي.
د تخنیکي او مسلکي زده کړو اداره په ټول هېواد کې د خاصو زده کړو ۱۶ مرکزونه لري، چې په دغه مرکزونو کې هغه کسان چې د لیدلو او اورېدلو معلولیت لري زده کړې کوي.
