د سرکاڼو ولسوالۍ د کرنې په انسټیټوټ کې د لمریزې برښنا فعالول
د کنړ ولایت د سرکاڼو ولسوالۍ د کرنې مسلکي انسټیټوټ کې د دری کیلوواټه لمریزه برښنا افتتاح او ګټې اخیستنې ته وسپارل شوه.
د سرکاڼو د کرنې مسلکي انسټيټوټ د پرانيستې په مراسمو کې د کنړ ولايت مقام د دفتر رئيس مولوي محمد امين حق پرست او يو شمېر نورو سيمه ييزو چاواکو هم حضور درلود.
د کنړ ولایت د تخنيکي آمر مولوي شکرالله الکوزي په وينا، د دغه برښنا پر جوړولو ۱۲۰ زره افغانۍ لګښت راځي، چې د یاد ولايت د يو شمېر سوداګرو له خوا ورکول شوی دی.
د کنړ ولايت تخنيکي آمر د دغې پروژې د جوړولو په برخه کې د سوداګرو د همکاريو د مننې په ترڅ کې وويل چې د سرکاڼو انسټیټوټ د برښنا ستونزه اوس حل شوې ده.
