د تخنیکي او مسلکي زده کړو ادارې مالي او اداري غونډه د بودجې د ویش په هکله ترسره شوه
د تخنیکي او مسلکي زده کړو ادارې د مالي او اداري چارو معاونیت غونډه د مالي او اداري چارو مرستیال مفتي فضل الرحمن فاضل په مشرۍ او د دغه ادارې د یو شمېر رئیسانو په حضور کې ترسره شوه.
په دغه غونډه کې د تخنیکي او مسلکي زده کړو ادارې د ۱۴۰۲ مالي کال د بودجې د ویش په اړه بحث وشو.
د غونډې په پیل کې ښاغلي فاضل د دغه ادارې د بودجې په اړه خبرې وکړې او هر اړخیز توضیحات یې ورکړل.
د غونډې برخه والو د بودجې د لګولو د څرنګوالي په اړه هم خپل نظرونه وړاندې کړل.
