د تخنیکي او مسلکي چارو مرستیال د چارو ادارې چارواکو سره د امارت کارکوونکو ته د روزنیزو برنامو په هکله خبرې اترې وکړی

د تخنيکي او مسلکي چارو مرستيال مولوي غلام سعيد احساس د چارو ادارې د څارنې او پاليسۍ له مرستيال مولوي سيف الدين تائب او نورو چارواکو سره  سره وکتل.

په دغه ناسته کې چې د تخنيکي او مسلکي زده کړو ادارې يو شمېر نورو چارواکو هم حضور درلود، د مديريت په برخه کې د نويو ګمارل شويو کارکوونکو د روزنيز بهير د ښه والي په پار د همغږۍ په هکله خبري وشوې.

د تخنيکي او مسلکي چارو مرستيال د ادارو د کارکوونکو د روزنې په برخه کې د دغه ادارې د همکارۍ ډاډ ورکړ.

دا په داسې حال کې ده چې د تخنيکي او مسلکي زده کړو مرکزونو په زياترو ولايتونو کې د نويو ګمارل شويو کارکوونکو لپاره روزنيزې برنامې جوړې کړې دي.