په بامیانو کې د نویو ګمارل شویو کارکوونکو لپاره د ظرفیت لوړونې روزنیزه برنامه په لاره اچول شوی دی
د بامیانو ولایت د ادارو د نویو کارکوونکو لپاره د کمپیوټر او دفتري مهارتونو د زده کړې برنامه د یاد ولایت د تخنیکي او مسلکي زده کړو آمریت له خوا پیل شوه.
د دغه برنامې ګډونوال اکثره د اسلامي امارت هغه مجاهدین دي چې په دې وروستیو کې په ملي او نظامي ادارو کې په دندو ګمارل شوي دي.
دا په بامیانو ولایت کې د نویو ګمارل شویو کارکوونکو لپاره د ظرفیت لوړولو لومړی روزنیزه برنامه دی.
د تخنیکي او مسلکي زده کړو ادارې سږ کال د اسلامي امارت د نویو ګمارل شویو کارکوونکو او مجاهدینو د ظرفیت لوړولو په موخه په ۸ ولایتونو کې څه باندې دوه زره کسانو ته لنډ مهاله روزنیزې برنامې جوړ کړي دي.
په دغو روزنیزو برنامو کې اداري او کمپیوټري مهارتونه تدریس شوي دي.
