د تخنیکي او مسلکي زده کړو ادارې د مشرتابه پلاوي غونډه ترسره شوه
د تخنیکي او مسلکي زده کړو ادارې د مشرتابه پلاوي غونډه د دغه ادارې د مرستیالانو، رئیسانو او آمرینو په حضور کې ترسره شوه.
د دې غونډې په پیل کې د مشرتابه پلاوي د تېرې غونډې پرېکړې تعقیب او د هغو د تطبیق د څرنګوالي په اړه راپور وړاندې شو.
ورپسې د بودجې آمر د ۱۴۰۱ مالي کال د بودجې د مصرف په اړه راپور وړاندې کړ.
په دې برخه کې د تخنیکي او مسلکي چارو مرستیال مولوي سعید احساس ټینګار وکړ چې بودجه بیت المال دی، او باید په سمه توګه ولګول شي.
د اجنډا له مخې، د بهیر مطبعې له خوا د چاپ شویو کتابونو پر برخلیک بحث وشو او پرېکړه وشوه، چې د دې موضوع د تعقیب لپاره دې یوه کمېټه وټاکل شي.
همدارنګه د عمومي زده کړو د کتابونو د برابرولو په اړه لازم تصمیمونه ونیول شول.
