د تخنیکي او مسلکي زده کړو په اداره کې د کړنو د ارزونې په اړه روزنیز سیمینار دایر شو
د تخنیکي او مسلکي زده کړو ادارې یو شمیر کارکوونکو ته د کړنو د ارزونې په اړه روزنیز درې ورځنۍ سیمینار جوړ شو.
یاد سیمینار د ادارې اصلاحاتو او ملکي خدمتونو ادارې په همکارۍ درې ورځنۍ سیمنیار جوړ شو چې موخه یې د کارکوونکو د کړنو د ارزونې له بهیر سره اشنا کول دي.
د تخنیکي او مسلکي زده کړو ادارې مالي او اداري چارو مرستیال مفتي فضل الرحمن فاضل د دغه سیمینار د جوړیدو له امله د اداري اصلاحاتو او ملکي خدمتونو له ادارې څخه مننه وکړه او ویې ویل: «له ارزونې مو موخه دا ده چې خپل مسوولیتونه په ښه توګه ترسره کړو».
د اداري اصلاحاتو او ملکي خدمتونو ادارې حقوقي مرستيال الحاج ويس الدين ويس هم د کړنو ارزونه يو اصل وباله او ويې ويل، چې دا ارزونه ښيي، چې ورسپارل شوي مسووليتونه تر سره شوي او که نه.
