په میدان وردګو ولایت کې دنویو ګمارل شویو کارکوونکو لپاره درې میاشتنی روزنیز کورس جوړ شو
د میدان وردګو ولایت د تخنیکي او مسلکي زده کړو آمریت او د دغه ولایت والي الحاج حافظ محمد امین عمري په همکارۍ د دولتي ادارو نویو ګمارل شویو کارکوونکو ته د ظرفیت لوړونې روزنیز کورس جوړ شو.
دغه روزنیز کورس د میدان وردګو والي الحاج حافظ محمد امین عمری او د دغه ولایت د استخباراتو رئیس مولوي فتح الله مدني په حضور پرانیستل شو.
په دغه درې میاشتني روزنیز کورس کې د میدان وردګو ولایت د تخنیکي او مسلکي زده کړو آمریت استادانو له خوا نویو ګمارل شویو کارکوونکو ته چې زیاتره یې ا.ا.ا «مجاهدین» دي، اداري او کمپیوټري مهارتونه تدریس کیږي.
د ميدان وردګو والي دغه روزنيز کورس ګټور وباله او غوښتنه يې وکړه، چې د دولتي ادارو ټولو کارکوونکو لپاره دې ترسره شي.
د میدان وردګو تخنیکي او مسلکي زده کړو آمر محمد حامد ناصري ژمنه وکړه، چې په ولسواليو کې به هم ورته برنامو د جوړولو لپاره هڅې وکړي.
