د کرنې ملي انسټیټوټ له چارواکو او د نایک موسسی د کارکوونکو سره د تخنیکي او مسلکي زده کړو ادارې د رهبرۍ غونډه
د تخنیکی او مسلکی زده کړو اداری مشر ښاغلی مفتی فضل الرحمن فاضل ؛ د مالی او ادارې مرستیال سید عباس ایوبي او د اکاډمیکو چارو مرستیال نوراحمد عزیزي په حضور کې؛ د کرنې ملي انسټیټوټ او د نایک کارکوونکو سره وکتل.
په دې کتنه کې دکرنې ملي انسټيټوټ چارواکو ددغه انسټيټيوټ تاريخ، لاسته راوړنې او راتلونکي پلانونه وړاندې کړل.
د دوی په وینا، د دغه انسټیټوټ د جوړولو هوکړه لیک په 1390 کال کې له هالنډي انسټیټیوټ "نایک" سره لاسلیک شوی و او ټاکل شوې وه چې د دغه انسټیټیوټ په مرسته په 1400 کال کې پوهنتون ته ارتقا وکړي.
د تخنيکي او مسلکي زده کړو ادارې مشر د کرنې ملي انسټيټوټ له استادانو او چارواکو څخه د یاد انسټیټوټ زده کړو ته د لا زياتې پاملرنې غوښتنه وکړه او ډاډ يې ورکړ، چې د پوهنې د سيستم د پياوړتيا په موخه به د بهرنيو پروژو په پلي کولو کې هڅې وکړي.
د تخنیکي او مسلکي زده کړو ادارې په چوکاټ کې دپوهنتون جوړول ستره لاسته راوړنه وبلله.
ښاغلي فاضل همداراز ټینګار وکړ، چې تعلیمي پروژې باید له سیاسي مسایلو جلا وي.
