د ښوونځیو او انسټیټونو ښوونکو د تخنیکي او مسلکي زده کړو ادارې له مشر سره وکتل
د تخنیکي او مسلکي زده کړو ادارې د ښوونځیو او انسټیټونو ښوونکو د دغه ادارې له مشر ښاغلي فضل الرحمن فاضل سره وکتل.
د تخنيکي پوهنتونونو جوړول، په پوهنتونونو کې د زده کړیالانو د جذب زياتوالى او په دولتي ادارو کې د هغوى ګمارل د ښوونځيو او انسټیټونو د ښوونکو له عمده وړانديزونو څخه وو.
د تخنیکي او مسلکي زده کړو ادارې د ښوونځیو او انسټیټونو ښوونکو په بېلابېلو پړاوونو کې د دوی لپاره د ظرفیت لوړونې برنامې غوښتنه وکړه.
دوی د ښوونکو د حق الزحمه ستونزې دحل تر څنګ؛ تخنیکي او مسلکي زده کړو په اداره کې د ښوونکو د اتحادیې لپاره د دفتر د جوړېدو غوښتنه هم وکړه.
د تخنیکي او مسلکي زده کړو ادارې مشر د ښوونځیو او انسټیټونو د ښوونکو وړاندیزونه او ستونزې واورېدې او د حل په برخه کې یې د همکارۍ ژمنه وکړه.
